O‘zbekiston va Pokiston yetakchilari muzokaralari yakuni bo‘yicha OAV vakillari uchun brifing o‘tkazildi
Prezident Shavkat Mirziyoyev Bosh vazir Imron Xonning rasmiy tashrifini davlatlararo munosabatlar tarixida yangi sahifa ochadigan muhim siyosiy voqea, deb baholadi.
O‘zaro ishonch va ochiqlik, samimiy va amaliy ruhda o‘tgan samarali muzokaralarda sheriklikning yangi imkoniyatlari ko‘rib chiqilib, «o‘sish nuqtalari» belgilangani qayd etildi.
Brifingda ikki davlat o‘rtasidagi manfaatli kelishuvlar jumladan: Tashrif arafasida o‘tgan Hukumatlararo qo‘shma komissiya yig‘ilishi va biznes-forum doirasida 500 million dollardan ortiq aniq loyihalar bo‘yicha kelishuvlarga erishilgan. Tranzit va savdo to‘g‘risidagi bitim rejalashtirilgan ulkan maqsadlarga erishishga xizmat qiladi.
Qishloq xo‘jaligi, urug‘chilik va chorvachilik, mashinasozlik va qurilish, farmasevtika va kimyo, yengil sanoat va boshqa ustuvor sohalarda yangi qo‘shma loyihalarni amalga oshirish, hududlar o‘rtasida to‘g‘ridan-to‘g‘ri aloqalar o‘rnatishga kelishilgani ma’lum qilindi.
«Termiz – Mozori Sharif – Kobul – Peshovar» temir yo‘li qurilishi masalasi ham atroflicha ko‘rib chiqilgani qayd etildi.
Xavfsizlik sohasidagi hamkorlikni kengaytirishga kelishib olingani aytildi. Tomonlar nufuzli xalqaro va mintaqaviy tuzilmalar doirasida bir-birini qo‘llab-quvvatlashni davom ettirishini tasdiqladilar.
