“Toliblar bilan muzokara olib borish uchun barcha choralardan foydalanyapmiz” — Ashraf Gʻani
“Tolibon” taklif qilgan yagona tanlov – ular tomonga oʻtish yoki taslim boʻlish, dedi Afgʻoniston prezidenti Ashraf Gʻani 16-iyul kuni Toshkentda boʻlib oʻtgan Markaziy va Janubiy Osiyo boʻyicha konferensiyada.
“Biz mojaroni „Tolibon“ harakati bilan siyosiy aloqalar orqali hal qilishga intilmoqdamiz, bu bizning milliy ustuvor maqsadimiz. Bundan tashqari, biz davlatimiz butun, demokratik, tinch boʻlishi uchun ishlaymiz. Biz haqiqiy demokratiya haqida gapiramiz”, - deya taʼkidladi Ashraf Gʻani.
Mamlakat prezidentining soʻzlariga koʻra, aholi afgʻon qurolli kuchlarini qoʻllab-quvvatlamoqda va hukumat saflariga koʻngillilarni yollash hozirda oʻsib bormoqda, biroq qiyinchiliklar ham yoʻq emas.
“Biz „Tolibon“ bilan muzokaralar olib borish va ularga yon bosmaslik uchun barcha choralardan foydalanyapmiz”, - deya qoʻshimcha qildi u.
