Denis Istominning Tokiodagi dastlabki raqibi aniqlandi

 

“Tokio–2020” Olimpiya o‘yinlarining tennis bellashuvlariga ham qurʼa tashlash marosimi bo‘lib o‘tdi. Unda hamyurtimiz Denis Istomin o‘zining ilk raqibini bilib oldi.

Yurtimizning birinchi raqamli raketka ustasi ilk bahsini hindistonlik Sumit Nagalga qarshi o‘tkazadi. Eʼtiborlisi, har ikki tennischi shu paytgacha o‘zaro to‘qnash kelishmagan.  

Ayni paytda Istomin jahon tasnif jadvalining 197-pog‘onasini egallab turgan bo‘lsa, Nagal 160-o‘rinda qayd etilgan.  

Bo‘lajak bellashuv 24 iyul kuni Toshkent vaqti bilan soat 07:00 da start olishi kutilmoqda.