“El-yurt umidi” jamg‘armasi 272 o‘rinli stipendiya tanlovini eʼlon qiladi
Ma'lum qilinishicha, saralash bosqichlari 2021-yil 20-avgustdan – 20-sentyabrga qadar davom etadi.
Mamlakatning innovatsion salohiyatini yana-da rivojlantirishni maqsad qilgan, kreativ fikrlaydigan yoshlar, isteʼdodli professor-o‘qituvchilar, yosh olimlar va ilmiy tadqiqotchilar, pedagoglar va mutaxassislar diqqatiga!
“El-yurt umidi” jamg‘armasi 2021-2022 o‘quv yili uchun nufuzli xorijiy davlatlarda:
- bakalavriat taʼlim dasturi uchun 69 o‘rin;
- magistratura taʼlim dasturi uchun 112 o‘rin;
- doktorantura taʼlim dasturi uchun 91 o‘rin;
-jami 272 o‘rin stipendiyalar ajratishini maʼlum qiladi.
Nomzodlarning hujjatlari 2021-yil 20-iyuldan – 20-avgustga qadar, respublikaning barcha hududlari vakillari uchun yagona tartib va teng imkoniyat asosida, onlayn rejimda va elektron tarzda qabul qilinadi.
Saralash bosqichlari 2021-yil 20-avgustdan – 20-sentyabrga qadar davom etadi.
Saralash tanloviga oid barcha maʼlumotlar “El-yurt umidi” jamg‘armasining www.eyuf.uz sayti orqali batafsil eʼlon qilib boriladi.
