Gvineya terma jamoasi Tokio Olimpiadasida ishtirok etishdan bosh tortdi
Gvineya sport vaziri Sanussi Bantama mamlakat olimpiya terma jamoasi koronavirus bilan bog‘liq vaziyat tufayli Tokio-2020 o‘yinlarida ishtirok etishdan bosh tortganini aytdi.
Shuningdek, mamlakat hukumatiga yaqin bo‘lgan AFP manbasiga ko‘ra bu qaror Yaponiyada sayohat xarajatlarini qoplash uchun mablag‘ yetishmasligi bilan ham bog‘liq deb hisoblaydi.
Tokio Olimpiadasida Gvineya sharafini beshta sportchi himoya qilishi kerak edi: Fatumata Yari Kamara (erkin kurash), Mamadu Samba Ba (dzyudo), Fatumata Lamarana Ture, Mamadu Tairu Ba (ikkalasi ham suzish) va Aissata Din Konte (100 metrga yugurish). Oldinroq KXDR terma jamoasi o‘yinlarda ishtirok etishdan bosh tortgan edi.
Eslatib o‘tamiz, Tokio Olimpiyadasining rasman ochilish marosimi ertaga Toshkent vaqti bilan 16:00 da bo‘lib o‘tadi.
Jamshidbek Amirov
