Prezident tadbirkorlar bilan avgust boshida uchrashadi
Bu haqda dushanba kungi brifingda prezident matbuot kotibi Sherzod Asadov maʼlum qildi, deb xabar bermoqda.
«Ko‘rayotgan bo‘lsangiz, O‘zbekiston prezidenti tadbirkorlar bilan ochiq muloqot o‘tkazishi haqida eʼlon berib borayapmiz. Ushbu uchrashuv avgust oyining boshiga mo‘ljallangan va takliflar 31 iyulgacha qabul qilinadi», — dedi u.
U shuningdek, davlat rahbarining haftalik ish rejasidan o‘rin olgan tadbirlarni ham ochiqladi.
«Bugun Toshkent shahrida amalga oshirilishi rejalashtirilgan yangi loyihalar taqdimoti o‘tkaziladi. Ertaga davlatimiz rahbari kon-metallurgiya sanoati rivoji bilan tanishadilar», — dedi Asadov.
Bundan tashqari, hafta mobaynida ijtimoiy qo‘llab-quvvatlash tizimini takomillashtirish yuzasidan yig‘ilish, hududlar va tarmoqlarda iqtisodiy o‘sish surʼatlarini taʼminlash bo‘yicha videoselektor o‘tkazilishi mo‘ljallangan.
