Tokio-2020. Oksana Chusovitina sportdagi faoliyatini yakunladi
Mass-media fondi Vasiylik kengashi raisi o‘rinbosari Saida Mirziyoyeva o‘zining ijtimoiy tarmoqdagi sahifalarida shunday deb yozib qoldirdi.
"Bugun o‘zbek va jahon sporti afsonasi, gimnast Oksana Chusovitina sportdagi faoliyatini yakunlaganini eʼlon qildi.
Barchamiz sevimli sportchimizning Tokio Olimpiadasidagi ishtirokini hayajon bilan kuzatdik. U finalga chiqa olmagan bo‘lsa-da, biz uchun nomi Olimpiada o‘yinlari tarixida umrbod qoladigan g‘olibdir.
Oksana Chusovitina bizning hamyurtimiz ekanidan faxrlanamiz. U yosh sportchilarimiz, umuman, yoshlarimiz o‘rnak olishi, tenglashishi lozim bo‘lgan qahramondir.
Oksanaga hayotining yangi pog‘onasida omad tilab qolaman".
