Miraziz Mirzaxalilovning jangida ishlagan amerikalik hakam musobaqalardan chetlatildi
Tokio Olimpiadasida o‘zbekistonlik bokschi Miraziz Mirzaxalilovning jangida ishlagan amerikalik hakam musobaqalardan chetlatildi. Bu haqda “SportTV” telekanali direktori Zohid Karimov maʼlum qildi.
Tokio Olimpiadasida 28 iyul kuni o‘tkazilgan boks bo‘yicha erkaklar o‘rtasida 52-57 kilogramm vazn toifasida o‘zbekistonlik Miraziz Mirzaxalilov 1/16 finalida irlandiyalik Kurt Uokerga qarshi jang qildi va mag‘lub bo‘ldi.
Ayni damda Yaponiya poytaxtida bo‘lib turgan “SportTV” telekanali direktori Zohid Karimovning so‘zlariga ko‘ra, ushbu jangda ishlagan amerikalik hakam B.Kempbell musobaqalardan chetlatilgan. U birinchi va ikkinchi raundlarda irlandiyalik bokschining g‘alabasini qayd etgan edi.
