Nursulton Ro‘ziboyev ertaga Milanda jang qiladi
O‘zbekiston MMA olamining ko‘zga ko‘ringan vakillaridan biri Nursulton Ro‘ziboyev (30-8-2) ertaga o‘zining navbatdagi jangini o‘tkazadi.
Xabaringiz bor, u Bahraynning “Breve CF” promousheni bilan shartnoma imzolagan va unda muvaffaqiyatli yurishini boshlagan edi. Yaʼni, Manamada bo‘lib o‘tgan “Breve CF 47” turnirida fransiyalik Ibrohim Maneni “Slam” uslubida nokautga uchratgandi.
Hamyurtimiz navbatdagi jangini 1 avgust kuni aynan ushbu promoushenning Italiyaning Milan shahrida tashkil qilinadigan kechasida o‘tkazadi. Nursultonga ertangi jangda rossiyalik Abdul Abduraguimov (12-1-0) raqib bo‘ladi.
