AQSH Prezidenti Yaponiya Bosh vaziriga minnatdorlik bildirdi
AQSH Prezidenti Jo Bayden Yaponiya Bosh vaziri Yosixide Suga bilan telefon orqali muloqot qilib, ”Tokio-2020” Olimpiada o‘yinlari muvaffaqiyatli o‘tgani uchun unga minnatdorlik bildirdi, deb xabar beradi Oq uy matbuot xizmati.
Qayd etilishicha, AQSH Prezidenti barcha sportchilar o‘yinlarini yuqori baholagan, ayniqsa, Yaponiya va Amerika olimpiadachilari erishgan muvaffaqiyatlarni alohida taʼkidlagan.
Eslatib o‘tamiz, 2020 yilgi Olimpiada o‘yinlarida AQSH terma jamoasi 39 ta oltin, 40 ta kumush va 33 ta bronza medali bilan g‘olibga aylandi. Ikkinchi o‘rinni Xitoy (38-32-18), uchinchi Yaponiya (27-14-17), to‘rtinchi o‘rinni esa Buyuk Britaniya (22-21-22) egalladi.
Насиба Тўхтаева
