Messi Parij emas, Ibitsaga yo‘l oldi
“Barselona” sobiq hujumchisi Lionel Messi “Pari-Sen-Jermen” bilan shartnoma imzolash uchun Ibitsa oroliga yetib keldi. Bu haqda LʼÉquipe` sayti xabar berdi.

Lionel Messi Ibitsa oroliga samolyotda kelgan. U bu yerda “PSJ” vakillari bilan uchrashib, shartnomaga imzo chekadi. “PSJ” rahbariyati Neymar bilan ana shu yerda uchrashib, shartnoma imzolagan edi.
Futbolchining dushanba kuni Parijga yetib kelishi haqida xabar berilgani, «Stad de Prens» stadioni oldida yuzlab muxlis va OAV vakillari uni kutib olishga chiqqaniga qaramay Messi Suares bilan Barselonadagi uyida qolgan edi.
Bundan avval 34 yoshli hujumchining “PSJ” bilan 2023 yilga qadar shartnoma imzolashi va unga ko‘ra Messi yillik 50 million yevro maosh olishi haqida xabar berilgandi.
Jamshid Amirov







