“Parijda ekanligimdan baxtiyorman. Men futbol o‘ynash va g‘alaba qozonishni istayman" — Messi
Matbuot anjumanida Messi o‘z orzu va maqsadlari, Mbappe va Neymar bilan birga to‘p surishi haqidagi fikr-mulohazalarini bildirdi.
“Parijda ekanligimdan baxtiyorman. Men futbol o‘ynash va g‘alaba qozonishni istayman. Jamoa bilan har qanday sovrin uchun kurashishga tayyorman. Men bu yerda dunyoning eng yaxshi futbolchilari bilan to‘p suraman. To‘g‘ri, “Barselona”ni tark etish men uchun juda ham og‘ir bo‘ldi, lekin “PSJ”ga, eng kuchli futbolchilarga ega bo‘lgan klubga qo‘shilganimdan xursandman.
Klub “Barselona” bilan kelisha olmaganimdan so‘ng darhol muzokaralarga kirishdi. Mening maqsadim Parijda ham Chempionlar ligasi kubogini qo‘lga kiritish, fikrimcha, “PSJ” bu yutuqqa erishish uchun eng munosib joy”.
Eslatib o‘tamiz, Messi Parij jamoasi bilan 2023 yilga qadar “2+1” ko‘rinishida shartnoma imzoladi. Hujumchi yangi jamoada yiligi 35 million yevro maosh oladi.
