Yevropa super kubogi bu gal kimga nasib etadi? Unga bugun guvoh bo‘lamiz
Bugun Yevropa super kubogi uchun amaldagi Yevropa ligasi g‘olibi “Vilyareal” hamda chempionlar ligasi g‘olibi “Chelsi” klublari o‘zaro bahs olib boradi.
O‘tgan mavsum futbol bo‘yicha UEFA chempionlar ligasi finalida “Chelsi” jamoasi yagona gol evaziga «Manchester Siti»ni mag‘lub etib, o‘z tarixida ushbu musobaqada ikkinchi marta chempion bo‘lgan edi.
“Vilyareal» esa Yevropa ligasi finalida «Manchester Yunayted»ni penaltilar seriyasida 11:10 hisobida yengib, chempionlikni qo‘lga kiritgandi.
Eslatib o‘tamiz, “Chelsi” va “Vilyareal” jamoalari o‘rtasidagi o‘yin bugun Toshkent vaqti bilan 23:55 da boshlanadi.
Jamshid Amirov
