“Zakovat-Gambit” turniri: uning birinchi kunida qanday natijalarga erishildi?
Toshkent shahrida Mass-media fondi, “Zakovat” NNT, Yoshlar ishlari agentligi va Sky Chess shaxmat maktabi hamkorligida tashkil etilgan tezkor shaxmat bo‘yicha “Zakovat-Gambit” musobaqasi final bosqichining birinchi kungi bahslari nihoyasiga yetdi.
Ishtirokchilar 5 ta guruhda bahsga kirishdi. Eng kuchli tarkibga ega A guruhida Nodirbek Abdusattorov 100 foiz natija bilan peshqadam bo‘lib turibdi. U 2-turda shaxmatimiz afsonasi, o‘n yettinchi jahon chempioni Rustam Qosimjonovni ham mag‘lub etdi.
5-turdan keyingi vaziyat:
1. Nodirbek Abdusattorov – 5 ochko
2. Rustam Qosimjonov – 3,5
3. Ortiq Nig‘matov – 3
4. Javohir Sindorov – 3
5. Shamsiddin Vohidov – 3
6. Nodirbek Yoqubboyev – 3
7. Jahongir Vohidov – 2,5
8. Temur Gareyev – 1
9. Saidali Yo‘ldoshev – 0,5
10. Bobur Sattorov – 0,5
Eslatib o‘tamiz, musobaqa ertaga yakuniga yetadi.
Jamshid Amirov
