Ronaldo “Yuventus”dan ketmoqchi
«Yuventus” Krishtianu Ronalduni shu yilgi transferda sotishi mumkin. Xabarlarga ko‘ra, turinliklar yiliga 31 million yevro maosh oladigan 36 yoshli futbolchi bilan moliyaviy holat tufayli xayrlashmoqchi. Qolaversa, Ronaldo ham ketishga qarshi emas.
Portugaliyalik futbolchi keyingi faoliyatini qaysi klubda davom ettirishi haqida bir qancha taxminlar mavjud. Xaridorlar orasida “Real Madrid”, “PSJ” va “Manchester Yunayted” klublari bor. Madridliklar Ronaldo bilan shartnoma tuzish fikridan voz kechdi, chunki ular hozircha “PSJ” va Fransiya terma jamoasi hujumchisi Kilian Mbappega qiziqish bildiryapti.
“PSJ” Lionel Messidan so‘ng Ronaldoni ham o‘z safiga qo‘shib olmoqchi. “Manchester Yunayted” esa fransuz yarim himoyachisi Pol Pogbaga qiziqish bildirmoqda. Agar u bilan kelishuvga erisholmasa, Ronaldoning “Manchester Yunayted” klubiga o‘tish ehtimoli yana-da oshadi.
Eslatib o‘tamiz, portugaliyalik futbolchining “Yuventus" bilan shartnomasi 2022 yilda tugaydi.
Jamshid Amirov
