Prezident Shavkat Mirziyoyev O‘zbekistonning SHHTga raisligi davridagi ustuvor vazifalarni belgilab berdi
Shanxay hamkorlik tashkilotining Dushanbedagi sammitida ushbu nufuzli tashkilotga 2021-2022 yillarda raislik qilish O‘zbekistonga o‘tishi to‘g‘risida qaror qabul qilindi.
Prezident Shavkat Mirziyoyev mamlakatimizning SHHTdagi raisligidagi ustuvor vazifalarini bayon qildi. Bular:
- SHHTning nufuzi va salohiyatini yana-da oshirish;
- Ichki mintaqaviy savdoni rivojlantirish dasturini ishlab chiqish;
- Sanoat kooperatsiyasi dasturini qabul qilish va bu borada hamkorlikni nazarda tutuvchi markazlarni tuzish;
- SHHTning Transport bog‘liqligi strategiyasini qabul qilish;
- SHHT makonida infratuzilmani rivojlantirish dasturini ishlab chiqish;
- kambag‘allikni kamaytirish va oziq-ovqat xavfsizligi sohalaridagi hamkorlikni kuchaytirish;
- SHHTning xalqaro axborot xavfsizligi bo‘yicha ekspertlar forumini taʼsis qilish;
- SHHTning Ezgu niyat elchisini institutini joriy qilish;
- turizm sohasida hukumatlararo bitimni ishlab chiqish;
- yuqumli kasalliklarga qarshi kurashishni nazarda tutuvchi “Yo‘l xaritasi”ni qabul qilish.
O‘zbekiston raisligi davrida davlatimiz rahbari tomonidan belgilab berilgan ustuvor vazifalarni amalga oshirish maqsadida hamkorlarimiz bilan birgalikda 80 dan ortiq tadbir o‘tkazish rejalashtirilgan.
