Аyni kunlarda grippga qarshi vaksina olish to‘g‘ri tanlov

 

Gripp va O'RVI ham shular jumlasidan. Ayni vaqtdagi pandemiya holati sabab mazkur viruslardan himoyalanish muhimdir.

 

Milliy emlash kalendariga asosan grippga qarshi emlash jarayonlari sentyabr-oktyabr oylaridan mart oyiga qadar davom etishi belgilangan.

 

Gripp fuqarolar orasida qo‘rqinchli kasallik sifatida ko‘rilmasa ham, o‘z vaqtida davolanmasa, organizmda turli xil asoratlar qoldirishi mumkin.

 

Kasalni davolagandan ko‘ra, uni oldini olgan maʼqul. Shu bois kasallikning avj olib ketmasligi uchun vaksina ishlab chiqilgan. Vaksina kasallikdan butkul himoya qiladi, degani emas. Organizmni tashqi omillardan himoyalash odamni o'ziga bog'liq. Grippga qarshi vaksina yo‘riqnomasida 98 % li himoya ko‘rsatilgan.

 

Yurtimizda turli davlatlardan olib kelingan vaksinalar mavjud bo‘lib, Niderlandiya, Germaniya, Xitoy, Hindiston va Rossiya Federatsiyasi tomonidan ishlab chiqarilgan vaksinalar samaradorligi eng yuqorilari hisoblanadi. Fuqarolar xohishlariga ko‘ra, qaysi vaksinani olishni hal qilishi mumkin.

 

Barcha vaksinalar singari grippga qarshi vaksina ham odam organizmida 15 kun ichida mikroblarga qarshi immunitet hosil qiladi. Taʼsir kuchi 1 yilgacha saqlanib qoladi. Bu kasallikka qarshi emlash orqali aholi orasidagi nafas yo‘li kasalliklarini kamaytirish mumkin.

 

Ko'plab vaksinalarda bo'lgani kabi bu vaksinada ham qarshi ko‘rsatmalar mavjud. Vaksinatsiya jarayonida shaxsning umumiy salomatligi tekshiriladi. Bu vaqtda emlanadigan fuqaro shamollash, nafas olish yo‘llari yallig‘lanishi kabi kasalliklardan batamom holi bo‘lishi zarur. Shuningdek, vaksina tarkibidagi komponentlarga nisbatan allergik taʼsirchanlik ham bo`lmasligi kerak. 

 

Gripp tarqalish mavsumida Covid-19 virusi yanada xavfliroq tus oladi. Vaksina koronavirusdan himoya bo‘la olmasa ham gripp bilan bog‘liq asoratlar, shuningdek, kasalxonaga joylashish va xatto o‘lim xavfini ham kamaytiradi. Shu sababdan, ayni kunlarda grippga qarshi vaksina olish to‘g‘ri tanlov hisoblanadi.

 

 

Sanitariya-epidemiologik osoyishtalik va jamoat salomatligi xizmati bo‘lim boshlig‘i Rustam Ikromov bilan hamkorlikda

 

Maftuna Rejabboyeva tayyorladi.