Usmon Nosir tavalludining 110 yilligini munosib nishonlanadi - Shavkat Mirziyoyev
Usmon Nosirning hayoti va ijodini yana-da kengroq o‘rganish, asarlarini nashr qilish, jumladan, poytaxtimizdagi Adiblar xiyobonida haykalini hamda Rossiyaning Kemerovo o‘lkasidagi shoir dafn etilgan maskanda yodgorlik o‘rnatish ko‘zda tutilmoqda.
"Usmon Nosir ayni ijodiy kuch-quvvatga to‘lgan 25 yoshida qamalib, qatag‘on qilingan. Shoir umrini qamoqxonalarda azob-uqubatda o‘tkazib, 1944 yili 32 yoshida vafot etadi.
Usmon Nosir bir sheʼrida: “Bargdek uzilib ketsam, unutmas meni bog‘im”, deb yozgan edi. Albatta, u “bog‘” deganda, jonajon Vatanini, bag‘rikeng xalqimizni nazarda tutganini anglash qiyin emas", - dedi Shavkat Mirziyoyev.
Eslatib o‘tamiz, bundan avvalroq davlatimiz rahbari Shavkat Mirziyoyev Namangan, Farg‘ona ва Andijon viloyatlarida bo‘lishi haqida xabar berilgandi.
