O‘zbekiston va Turkmaniston o‘rtasida 23 ta hujjat imzolandi
Xabaringiz bor, bugun Ko‘ksaroy qarorgohida O‘zbekiston va Turkmaniston Prezidentining rasmiy uchrashuvi bo‘lib o‘tdi.
Uchrashuv davomida ikki davlat o‘rtasida 23 ta hamkorlik hujjati imzolandi:
— Viza protseduralarini soddalashtirish to‘g‘risida Bitim;
— Fuqarolarning o‘zaro qatnovlari to‘g‘risida Bayonnoma;
— Ikki davlatning adliya vazirliklari va fan akademiyalari o‘rtasida Memorandum;
— 2024 yilgacha madaniy-gumanitar sohada hamkorlik Dasturi;
— Biologik xilma-xilligini saqlash haqida Bitim.
— 2025 yilgacha o‘simliklar karantini va himoyasi bo‘yicha qo‘shimcha chora-tadbirlar to‘g‘risida Reja,
— Mineral o‘g‘itlar va qishloq xo‘jaligi texnikasi va energetika sohasida xo‘jalik shartnomalari;
— Kimyo sanoati bo‘yicha Memorandum;
— Chegaraoldi savdo markazi hamda tovar ayirboshlash hajmini oshirish to‘g‘risida Bitimlar,
— Investitsiyaviy hamkorlik va o‘zaro tovar yetkazib berish to‘g‘risidagi hamda Metrologiya sohasidagi Memorandum;
— Statistika va bandlik sohasidagi Memorandum;
— Suv tejash texnologiyalarida hamkorlik bo‘yicha Memorandum;
— Tranzit tashuvlar sohasida va temir yo‘l administratsiyalari o‘rtasida hamkorlikni kengaytirish to‘g‘risida Memorandum;
— Axborot texnologiyalari sohasida hamkorlik to‘g‘risida Memorandum, Gurlan-Toshhovuz o‘tkazish punktlarini ishga tushirish bo‘yicha Bayonnoma;
— Bojxona maʼlumotlarini almashish to‘g‘risida Bayonnoma;
Shuningdek, muzokara doirasida mamlakatlarning Qo‘shma bayonotni ham imzolandi.
Avvalroq Shavkat Mirziyoyev ikki davlat o‘rtasidagi har bir uchrashuv tarixiy ahamiyatga ega ekani taʼkidlagani haqida xabar berilgandi.
Cho‘lponoy Ahmedova
