Moderna vaksina ishlab chiqarishni kengaytirishga qaror qildi
Moderna koronavirusga qarshi emlash formulasini dunyo bilan baham ko‘rmaydi, aksincha, o‘zi dori ishlab chiqarishni ko‘paytiradi. Bu haqda kompaniya raisi Noubar Afeyan maʼlum qildi, deb yozadi "Assosiated Press".
Uning taʼkidlashicha, kompaniya rahbariyati formulani almashish o‘rniga o‘z vaksinasini ishlab chiqarishni kengaytirishga qaror qilgan. Moderna bir yildan kam vaqt ichida ishlab chiqarishni bir milliard dozaga yetkazdi.
Biz 2022 yilda preparat ishlab chiqarishni 1 milliarddan 3 milliardgacha ko‘paytirishimiz mumkin,
dedi Afeyan.
Uning aytishicha, kompaniya AQSH hukumati bilan hamkorligi tufayli kambag‘al mamlakatlarga katta miqdorda vaksinalar yetkazib bergan. Moderna, shuningdek, hozirda bir qancha kambag‘al mamlakatlarga dori yetkazib berishda yordam berish ustida ish olib bormoqda. Afeyanning so‘zlariga ko‘ra, joriy yilning oxirgi uch oyida 40 million doza vaksina yetkazib beradi, qolgani esa keyingi yilga yuboriladi.
Bundan avval Britaniya maxsus xizmatlari Rossiyani AstraZeneca tarkibini o‘g‘irlashda ayblagani haqida xabar berilgandi.
