Toshkentdan “Tashmore”gacha alohida yo‘lakda harakatlanuvchi tezyurar avtobuslar yo‘lga qo‘yiladi
Toshkent viloyati hokimi Davron Hidoyatov "Toshkent viloyatida jamoat transporti (keyingi o‘rinlarda BRT deb ataladi) xarakatini halqaro tajribalarni keng qo‘llagan holda yana-da rivojlantirish chora-tadbirlari to‘g‘risida"gi qarorni imzoladi.
Hujjatda qayd etilishicha, Architects Engineers Planners Advisors kompaniyasi bilan Toshkent (Bektemir tumani)–Nurafshon–Toshkent dengizi (Tuyabo‘g‘iz suv ombori) yo‘nalishi bo‘yicha tezyurar avtobus tranziti qurilishining texnik-iqtisodiy asosini ishlab chiqish to‘g‘risida shartnoma imzolangan.
Mazkur qaror O‘zbekiston Prezidenti Shavkat Mirziyoyevning mart oyida viloyatga tashrifi chog‘ida berilgan ko‘rsatmalar, shuningdek, Prezident Administratsiyasining mart va iyun oylarida bergan ko‘rsatmalariga muvofiq qabul qilingan.
Loyihaning konsepsiyasi allaqachon ishlab chiqilgan Texnik-iqtisodiy asosini ishlab chiqish uchun viloyat byudjetidan 6,9 milliard so‘m ajratish rejalashtirilgan.
Аgar loyiha ishga tushsa, bu O‘zbekistondagi birinchi BRT liniyasi bo‘ladi. 2021-yilning noyabr oyida Prezidentga Toshkentda yettita BRT liniyasini ishga tushirish rejalari taqdim etilgan, ularning to‘rttasi O‘zbekiston mustaqilligining 30 yilligi arafasida, yaʼni 2021-yil sentyabrigacha ochilishi kerak edi. Mazkur rejalarning qaysi bosqichda ekani nomaʼlum.
Avvalroq “Yangi O‘zbekiston bog‘i”ga avtobus qatnovi yo‘lga qo‘yilishi hamda O‘zbekistonda ishlab chiqarilgan avtobuslar Qirg‘izistonga yetkazilishi haqida xabar berilgandi.
