Bavariya klubi himoyachisi Lukas Ernandes qamoq jazosiga hukm qilindi

 

Futbolchi Atletiko klubi safidagi faoliyati davomida — 2017 yil Madridda turmush o‘rtog‘i Ameliya de la Osa Lorente bilan janjallashib, ko‘chada unga qo‘l ko‘targan edi. Shunda ish sudgacha yetib borgan va Madrid sudi futbolchini 31 kunlik jamoat ishlariga jalb qilgan.

 

Biroq 2017-yilda Lukas ayoli bilan yarashgan. Shundan so‘ng ular AQSHning Mayami shahrida nikohdan o‘tgan. Yozda taʼtilni AQSHda o‘tkazib qaytgan juftlik Madrid aeroportiga qo‘ngach, futbolchiga nisbatan cheklovni buzish ayblovi eʼlon qilindi. Ernandesning advokatlari 6 oylik qamoq jazosi bo‘yicha apellyatsiya berib, jazoni almashtirish borasidagi ishni ko‘rib chiqishni so‘ragan. Lukas Ernandes ishi 19-oktabr kuni qayta ko‘rib chiqilishi maʼlum qilingan.

 

Avvalroq Serxio Ramosning “PSJ”dagi debyuti yana qoldirilgani va Goreska “Bavariya” bilan shartnomani uzaytirgani haqida xabar berilgandi.

 

Jamshidbek Amirov