Ertaga “sukunat” kuni
Saylov kodeksining 44-moddasiga binoan, saylov kuni va ovoz berishga bir kun qolganida tashviqotga yo‘l qo‘yilmaydi.
Shuningdek, 103-moddaga ko‘ra, saylov kuni va ovoz berish boshlanishidan bir kun oldin jamoatchilik fikri so‘rovlari natijalarini, saylov natijalari prognozlarini, o‘tkazilayotgan saylov bilan bog‘liq boshqa tadqiqotlarni eʼlon qilish (hammaga maʼlum qilish), shu jumladan axborot tarmoqlariga, shuningdek Internet jahon axborot tarmog‘iga joylashtirish taqiqlanadi.
Shu sababli ertaga hamda saylov kuni turli tashviqot olib bormaslik va so‘rovnomalar o‘tkazmaslik maqsadga muvofiq.
Ma'lumot o'rnida, bu yerda gap ayni bir nomzodga ovoz berishga chorlash haqida ketmoqda. Saylovning o‘ziga oid boshqa xabarlar, shuningdek barcha saylovchilarni saylovda faol ishtirok etishga chorlaydigan umumiy tashviqotga taqiq yo‘q, bunga ruxsat etiladi.
