Xalqaro siyosiy sharhlovchi Prezident saylovi jarayoniga yuqori baho berdi
Xalqaro media-xollda xalqaro kuzatuvchilar bilan uchrashuvlar davom etmoqda. Turkiyadan kelgan kuzatuvchi, Yeni Şafak nashri siyosiy sharhlovchisi Gungor Yavuzaslan saylov jarayoni va Xalqaro media-xoll haqidagi fikrlari bilan o‘rtoqlashdi.
“Xalqaro siyosiy sharhlovchiman. O‘zbekistonga ikkinchi bor kelishim. Turkiyada yurtingizga juda ham katta hurmat bilan qaraladi. Saylovlarda oldin ham kuzatuvchi sifatida ishtirok etganman.
Saylov jarayonlarini ko‘rib hayratim oshdi. Har bir partiya uchun alohida joy ajratilgan va yoshlar bilan davra suhbatlari o‘tkazilyapti. Bu juda muhim.
So‘nggi besh yilda O‘zbekistondagi demokratik jarayonlar ancha rivojlandi. Bu saylovlar mamlakat kelajagini belgilab berishiga aminman. Meni eʼtiborimni tortgan jihat –– yoshlar.
OAV demokratiyaning ajralmas qismi. U demokratik jarayonlarni taraqqiy etishiga yordam beradigan muhim omil. Ko‘ryapmanki, saylov jarayonlarini yoritishda matbuotga katta imkoniyat berilgan”, – dedi u.
Avvalroq “Adolat” SDP ning saylov kampaniyasi bo‘yicha brifing o‘tkazgani hamda Sergey Lebedevning saylov to‘g‘risidagi fikrlari xabar qilingandi.
