Genadiy Bessonov, Rossiya Federatsiyasi kuzatuvchisi:
Saylov haqidagi fikrlari bilan bo‘lishdi.
— Saylov kuni bir qancha saylov uchastkalarida bo‘ldik. Men qayerda bo‘lgan bo‘lsam, birinchi navbatda tayyorgarlik jarayoniga eʼtibor qaratdim. Tashkilotchilar saylovga puxta tayyorgarlik ko‘rganini eʼtirof etmaslik mumkin emas. Saylov uchastkalarida saylovga doir barcha maʼlumotlar mavjud, saylovchilar ro‘yxati ilingan, tibbiyot xonasi, hatto bolalar uchun ham maxsus joylar qilinganiga guvoh bo‘ldik.
Kuzatuv jarayonida nomzodlarning saylovoldi dasturi bilan tanishdim. Har bir nomzod mamlakat buguni va kelajagiga doir dolzarb masalalarni ko‘tarib chiqqan.
Saylov ko‘tarinki ruhda, faollik va uyushqoqlik bilan o‘tdi. Odamlar unda emin-erkin ishtirok etib, o‘zi xohlagan nomzodga ovoz berdi. Bir qancha saylovchilar bilan bevosita suhbatlashdim. Ularning hech biri ovoz berishga majburan kelmaganiga amin bo‘ldim. Eʼtibor bering, soat kunduzi 11 bo‘lmay ayrim hududlarda 40 foiz aholi saylovda o‘z ovozini berib bo‘lgan edi.
Men bugun vaziyatni bilish uchun O‘zbekistonning Koreyadagi elchisi bilan telefon orqali suhbatlashdim. U menga Koreyada saylov faol va uyushqoqlik bilan o‘tgani, sanash ishlari tugab, maʼlumotlar yuborilganini aytdi. Sanoqli soatlardan keyin umumiy natija eʼlon qilinadi.
Munojat Valiyeva
