Prezidentlik saylovida nomzodlarga berilgan ovozlar soni ochiqlandi

 

Joriy yilning 24-oktabr kuni o‘tkazilgan O‘zbekiston Respublikasi Prezidenti saylovida 20 million 158 ming 907 nafar saylovchidan 16 million 212 ming 343 nafari saylovda qatnashgan. Foydalanilmagan va buzib qo‘yilib, bekor qilingan saylov byulletenlarining umumiy soni esa 4 million 47 ming 358 tani tashkil etgan.

 

Ovoz berishda ishtirok etgan saylovchilarning umumiy soni – 16 million 212 ming 343 nafar bo‘lib, shundan muddatidan oldin ovoz berishda ishtirok etganlar 421 ming 176 nafarni tashkil etdi.

 

Ovoz berishda ishtirok etgan saylovchilar tomonidan har bir nomzodni yoqlab berilgan ovozlar soni quyidagicha:

 

Mirziyoyev Shavkat — 12 million 988 ming 964 nafar (80,12 foiz);

Vorisova Maqsuda — 1 million 75 ming  16 nafar (6,63 foiz);

Qodirov Alisher — 888 ming 515 nafar (5,48 foiz);

Oblomuradov Narzullo — 670 ming 641 nafar (4,14 foiz);

Abduhalimov Bahrom — 549 ming 766 nafar (3,39 foiz).

 

Eslatib o‘tamiz, joriy yilgi prezident saylovlarida adbirkorlar va ishbilarmonlar harakati – O‘zbekiston Liberal-demokratik partiyasidan nomzod Shavkat Miromonovich Mirziyoyev – 80,1 foiz ovoz bilan g‘alaba qozongandi.