Messi Chempionlar ligasi o‘yinini o‘tkazib yuboradi... mi?
“PSJ” hujumchisi Lionel Messi Chempionlar ligasining 4-turi doirasida “RB Leypsig”ga qarshi o‘yinda qatnashmasligining sababi maʼlum bo‘ldi.
Xabarlarga ko‘ra, Messi chap sonidagi noqulaylik va jarohat tufayli hali ham og‘riqlarni boshdan kechirmoqda.
Messi 31-oktabr kuni fizioterapevt bilan mashg‘ulotlarda alohida ishlagani xabar qilingandi. Klub uning 3-noyabr kuni “RB Leypsig”ga qarshi o‘yinda maydonga tushishiga umid qilgan edi.
Eslatib o‘tamiz, Messi Fransiya chempionati 12-turidan o‘rin olgan “Lill”ga qarshi o‘yinda jarohat olgani tufayli almashtirilgandi.
Avvalroq “PSJ” Ikardini Agueroga almashtirmoqchiligi va Mbappening goli “PSJ”ga g‘alaba keltirgani haqida xabar berilgandi.
Jamshidbek Amirov
