“Roma”ning Azmunga qiziqish bildirayotgani rost... mi?
“Roma” sport direktori Tiago Pinto “Roma” klubi “Zenit” hujumchisi Serdar Azmunga qiziqish bildirayotgani haqidagi gap-so‘zlarga izoh berdi:
“Skautlarimiz Chempionlar ligasi o‘yinlariga muntazam tashrif buyurishi bor gap. Ammo “Roma” Azmunga qiziqish bildirayotgani yolg‘on maʼlumot”.
Eslatib o‘tamiz, Serdar Azmun Rossiya premyer ligasi joriy mavsumida “Zenit” safida 11 ta o‘yinda maydonga tushib, 7 ta gol urdi va 4 ta golga hammualliflik qildi. Ayni damda Transfermarkt internet portali eronlik futbolchining transfer narxini 25 million yevroga baholamoqda. Azmun bundan avval “Rubin” va “Rostov” klublarini himoya qilgan.
Eronlik forvardga “Napoli”, “Latsio”, “Lion”, “Inter”, “Yuventus”, “Fenerbaxche”, “Vilyareal” va “Bayer” klublari ham qiziqish bildirgan.
Avvalroq Kristenson Londonda qolmoqchiligi va “Bayer” va “Lion” Azmunni qo‘lga kiritmoqchiligi haqida xabar berilgandi.
Jamshidbek Amirov
