O‘zbekiston xalqini kelajakda taraqqiyot va farovon kunlar kutmoqda — Yoshinori Fudjiyamu
Yaponiya elchisi Yoshinori Fudjiyamu Prezident Shavkat Mirziyoyevning rasmiy inauguratsiya marosimida ishtirok etdi.
U o‘zining taassurotlari bilan o‘rtoqlashdi:
“Yaponiya hukumati va o‘z nomimdan Prezident Shavkat Mirziyoyevni ikkinchi muddatga saylangani bilan tabriklayman. Tantanali marosimda davlat rahbarining nutqini tinglab, O‘zbekiston xalqini kelajakda taraqqiyot va farovon kunlar kutayotganiga yana bir bor ishonch hosil qildim”.
Shuningdek, elchi Shavkat Mirziyoyevning qayta saylangani uning so‘nggi 5 yil davomida mamlakatda ulkan o‘zgarishlarni amalga oshirganidan dalolat berishi hamda o‘z oldiga yuksak maqsadlarni qo‘yganiga yana bir karra amin bo‘lganligini bildirib o‘tgan.
Eslatib o‘tamiz, avvalroq Pokistonda nashr etilgan “Shavkat Mirziyoyev — uzoqni ko‘ra biladigan davlat arbobi” kitobining taqdimoti bo‘lib o‘tgani haqida xabar berilgandi.
Cho‘lponoy Ahmedova
