COVID-19‘ga qarshi emlangan mehnat migrantlari Rossiyaga yuborish pilot loyihasi boshlandi
Rossiyaning 40 nafar tibbiyot xodimi O‘zbekistonga yetib keldi.
Xabaringiz bor, joriy yilning sentabr oyida Rossiya Federatsiyasi Mehnat va aholini ijtimoiy himoya qilish vaziri o‘rinbosari Andrey Pudov boshchiligida Qurilish va uy-joy xo‘jaligi, Ichki ishlar va Sog‘liqni saqlash vazirliklari, Rostrud, Moskva hukumati hamda “Roskapstroy”, “Nostroy”, “Naymiks”, “Almas-integral”, "PIK Industriya", "Reneyssans Xevi Indastris", “Yandeks” kabi yirik ish beruvchi korxonalar vakillaridan iborat delagatsiya O‘zbekistonga tashrif buyurgan edi.
O'zbekiston fuqarolarini Rossiya Federatsiyasiga yuborish bo‘yicha pilot loyihasi boshlandi.
Maʼlumot uchun: ushbu loyiha doirasida nomzodlarni ishga jalb qilish bilan bog‘liq, jumladan, tibbiy ko‘rikdan o‘tkazish, emlash, rus tili, Rossiya qonunchiligi bo‘yicha imtihon topshirish, patent rasmiylashtirish va transport xarajatlari ish beruvchilar tomonidan qoplanadi.
Sog‘liqni saqlash vazirligi Jamoatchilik bilan aloqalar bo‘limi rahbari Furqat Sanayevning xabar qilishicha, 10 ming nafar fuqaroni Rossiya Federatsiyasiga tashkiliy tarzda ishga jo‘natish tadbirlarini amalga oshirish maqsadida tibbiy asbob-uskunalar bilan Rossiyaning O‘zbekistonga keldi.
Endilikda Rossiya hududida ishlash huquqini beruvchi patent olishda talab etiladigan tibbiy ko‘rik Rossiya sog‘liqni saqlash vazirligi tomonidan Toshkentda o‘rnatilgan tibbiy asbob-uskunalar yordamida yurtimizda amalga oshiriladi.
Eslatib o‘tamiz, Rossiya Federatsiyasi hududida mehnat faoliyatini olib borish istagida bo‘lgan fuqarolarni emlash va koronavirusga qarshi test topshirish jarayonlarini ikki davlat mutaxassislari tomonidan Rossiya tomoni tibbiy uskunalari yordamida birgalikda O‘zbekistonda amalga oshirish hamda ularning natijasi bo‘yicha tibbiy maʼlumotlarni "COVID-19'siz sayohat" ilovasi tizimiga integratsiya qilinadi.
Avvalroq Rossiya O‘zbekistonning 150 ming fuqarosiga mamlakatga kirishga qo‘yilgan taqiqni olib tashlagani, o‘zbekistonlik quruvchilarni Rossiyada “kosmik istiqbollar” kutayotgani, migratsiya to‘g‘risida yagona hujjat joriy etilgani hamda migrantlarga maxsus chipli plastik kartalar tarqatilgani haqida xabar berilgandi.
