Россия Федерацияси ИИВнинг маълум қилишича, миграция соҳасида ишлаб чиқилаётган янги қонун кўпгина афзалликларга эга. Жумладан, чет эл фуқароларининг мамлакатга кириб келиши, мамлакат ҳудудида бўлиши ва вақтинчалик меҳнат фаолиятини амалга оширишини тартибга солади.
Янги қонун лойиҳасига кўра, Россия Федерацияси ИИВнинг Миграция масалалари бўйича бош бошқарма бошлиғи ўринбосари К.Aдзинов ўз изоҳини бериб ўтди.
Қайд этилишича, миграция соҳасидаги қоидаларни тубдан ўзгартирадиган қонун ёзилаётгани, бу чет эл фуқароларининг мамлакатга кириши, мамлакат ҳудудида бўлиши ва ишлаши билан боғлиқ ҳуқуқий муносабатларга таъсир қилиши ҳамда ҳозирда амалда бўлган қатор ҳужжатларни бекор қилишини айтган.
Хусусан, Россия Федерацияси ҳудудига киришнинг иккита асосий тури бўлади. Булар: визали ва визасиз. Ҳозирда чет элликлар учун расмийлаштирилаётган барча ҳужжатлар ўрнини босадиган ягона ҳужжатни жорий этиш режалаштирилмоқда. Шунингдек, мажбурий тиббий суғурта доирасида меҳнат мигрантлари учун тиббий ёрдам кўрсатиш ёхуд тиббий визалар олиш қоидаларини аниқлаштириш ҳам назарда тутилмоқда.
Миграция тўғрисидаги янги қонун 2024 йилда кучга кириши мумкин.
Эслатиб ўтамиз, аввалроқ Россияда юз берган оммавий муштлашувда иштирок этган мигрантлар 40 йилга депортатция қилингани ҳамда Россия мигрантларга янги мажбурият юкламоқчилиги ҳақида хабар берилганди.
Чўлпоной Аҳмедова