Useyn Bolt: “Krishtianu har bir o‘yinda “Manchester Yunayted”ni qutqarib qolmoqda”
Yengil atletika bo‘yicha sakkiz karra Olimpiada chempioni yamaykalik Useyn Bolt o‘zi muxlislik qilayotgan “Manchester Yunayted” klubidagi vaziyat haqida gapirdi:
“Bizning jamoa uchun oson bo‘lmaydi. Krishtianu har bir o‘yinda “Manchester Yunayted”ni qutqarmoqda. O‘yindagi natija ko‘p hollarda bitta futbolchiga bog‘liq bo‘lib qolmoqda. Klub anchadan beri o‘zining haqiqiy imkoniyatlarini ko‘rsatmadi. Fergyuson “Manchester Yunayted”ni boshqargan vaqtida har bir g‘alaba uchun borini berardi. Chunki murabbiy futbolchilardan ko‘p narsani talab qilardi”.
Eslatib o‘tamiz, ayni vaqtda “Manchester Yunayted” klubi Angliya chempionati turnir jadvalida 17 ochko bilan 6-o‘rinni egallab turibdi.
Avvalroq Parij klubi Karim Benzemani qo‘lga kiritmoqchiligi va “Barselona” klubida norozichilik boshlangani haqida xabar berilgandi.
Jamshidbek Amirov
