"Manchester Yunayted" klubi bosh murabbiyi Ole-Gunnar Sulsher isteʼfoga chiqarildi
Norvegiyalik mutaxassis 2018-yilning dekabrida jamoani qabul qilib olgandi.
"Manchester Yunayted" klubi norvegiyalik mutaxassis Ole-Gunnar Sulsherni qoniqarsiz natijalardan so‘ng o‘z lavozimidan ozod etdi.
"Manchester Yunayted"ning Sulsher davridagi eng yaxshi natijalari 2020/21 yilgi mavsumda qayd etilgandi. O‘sha vaqtda jamoa APLda ikkinchi o‘rinni olgan, Yevropa Ligasida esa finalga qadar yetib borgandi.
Maʼlum bo‘lishicha, "Qizil iblislar"ni endi vaqtinchalik yana bir klub afsonasi Maykl Karrik boshqaradi. 40 yoshli sobiq angliyalik futbolchi mavsum yakuniga qadar MYUda ishlaydi.
Maʼlumot uchun: Karrik bungacha ham Manchester jamoasida yordamchi murabbiy sifatida ishlab kelayotgandi.
Eslatib o‘tamiz, avvalroq "Manchester Yunayted" jamoasi murabbiyi Ole-Gunnar Sulsher Krishtianu Ronaldu haqida fikr bildirgani, sobiq darvozabon Piter Shmeyxel Sulsher qabul qilgan qarorlarni tanqid qilgani hamda “MYU” Sulsherni isteʼfoga chiqarmasligi haqida xabar berilgandi.
