Saida Mirziyoyeva BAAning vazirlari bilan uchrashdi
Uchrashuvda ijtimoiy-iqtisodiy masalalar muhokama qilindi.
28-noyabr kuni Saida Mirziyoyeva Birlashgan Arab Amirliklari Davlat taraqqiyoti va kelajagi masalalari vaziri Ohud bint Xalfan Al-Rumi xonim bilan uchrashdi. Bu haqda S. Mirziyoyeva o‘zining rasmiy telegram sahifasida ma'lum qildi:
“Aytish kerakki, BAA — so‘nggi 50 yilda insonlar, ayniqsa, ayollar uchun xavfsiz hududga, dunyoning eng taraqqiy etgan mamlakatlaridan biriga aylandi. Uchrashuvda ijtimoiy-iqtisodiy masalalar yuzasidan fikr almashdik, ko‘plab sohalar bo‘yicha o‘zaro hamkorlik qilish istiqbollarini muhokama qildik”.
Uchrashuv davomida Rumi xonim Luvrda bo‘lib o‘tadigan O‘zbekiston ko‘rgazmasiga katta qiziqish bildirayotganini ta’kidlab, Jahon banki reytinglaridan birida bosh islohotchi sifatida tilga olingan O‘zbekistonning ajoyib yurt ekanini va qadimiy shaharlarimizni ko‘rish orzusi borligini aytib o‘tgan.
Shuningdek, EXPO - 2020 doirasida BAAning xalqaro hamkorlik bo‘yicha Davlat vaziri Rim Al-Hoshimiy bilan ham uchrashuv bo'lib o'tdi.
