"Qurilish sohasiga sarflangan har bir so‘m egasigacha to‘liq yetib borishi zarur" — Shavkat Mirziyoyev

 

Bosh prokuror o‘rinbosari boshchiligida respublika shtabi va viloyat shtablari tuziladi.

 

Ular qurilish narxlarini asossiz oshirish, raqobatni buzish, tasdiqlangan loyihalarni o‘zboshimchalik bilan o‘zgartirish, tanish-bilishchilikka yo‘l qo‘ymaslik ustidan qatʼiy nazorat o‘rnatadi.

 

Kelgusi yilda ipoteka dasturlari doirasida 50 mingga yaqin xonadonli uy-joylar quriladi. Bunga qariyb 13 trillion so‘m maqsadli kredit va 1,3 trillion so‘m subsidiya ajratiladi. "Bu dastlabki hisob-kitoblar. Agar talab bo‘lsa, yana qo‘shimcha resurs ajratiladi", — dedi Prezident.

 

Bundan tashqari:

 

- ipoteka kreditlari va subsidiya olishda, uy-joy maydoni va narxi bilan bog‘liq cheklovlar ipoteka kreditlari shartlaridan chiqarib tashlanadi;

 

- ehtiyojmand aholiga dastlabki badalning bir qismini qoplash uchun 32 million so‘m subsidiya to‘lanadi;

 

- ehtiyojmand aholi tomonidan kreditni qaytarishda foizning davlat tomonidan qoplab beriladigan subsidiya miqdori barcha hududlar uchun bir xil - 10 foiz etib belgilanadi (hozirda viloyatlarda 10 foiz, Toshkent shahrida 12 foizdan yuqori qismi qoplab berilmoqda);

 

- subsidiyalar yakka tartibdagi uy-joy qurish va taʼmirlash uchun olingan kreditlar uchun ham beriladi;

 

- ipoteka kreditini olishda qarindosh bo‘lmagan fuqarolarning kafil bo‘lishiga ruxsat beriladi (bugungi kunda faqat yaqin qarindoshlar kafil bo‘la oladi).

 

Eslatib o‘tamiz, avvalroq davlatimiz rahbari har bir hududda uy-joy qurilish klasterlari hamda mahallabay ishlash va tadbirkorlikni rivojlantirish markazlari tashkil etilishi haqida xabar berilgandi.