Mizofobiya — bakteriyalardan himoyalanish inson hayotini qutqaradimi?

Shifokor, psixoterapevt va fobiyashunoslar bu ruhiy hastalikni o‘rganish bo‘yicha 16 ta klinik tadqiqot o‘tkazishgan.

Dunyodagi inson psixologiyasi va tempramenti turlicha. Shuningdek, har birimizning cho‘chiydigan, qo‘rquvga tushiradigan voqelik va hodisotlarimiz bor. Ammo toza ob-havoda ham kundalik hayotda tinimsiz, chang, iflos joylarni topib olib, ularni yo‘q qilishga, tozalashga mukkasidan ketib qoladiganlar toifasini eshitganmisiz? Ular mizofobiklardir.

Mizofobiya nima?

Mizofobiya belgilari: odam ifloslanishdan qo‘rqadi, tahlikaga tushadi. Faqat antiseptik yoki suv va sovun sizni infeksiyadan qutqarishi mumkin, degan fikr bilan yashaydi.

Cheksiz, yaxshilab qo‘l yuvish asta-sekin odatga aylanadi. Tozalik uchun maniya tanaga foyda keltirmaydi. Tinimsiz qo‘l yuvishlar asosida zararli bakteriyalar bilan birga foydali bakteriyalar ham yo‘q qilinadi. Iflos qo‘llar va changga noto‘g‘ri munosabat inson hamda uning atrofdagilarni hayotini azobga aylantiradi.

Bu holatda nima qilish kerak?

1.Mikroblar va ifloslanish haqidagi fikrni o‘zgartirish lozim. Bakteriyalar bizning tanamiz va atrof-muhitning tabiiy qismidir. Bu haqdagi filmlarni tomosha qilish qo‘rquv va xavotirni yengishga yordam beradi.

2. Muammolaringiz va tashvishingiz haqida yaqinlarga gapirish kerak, shunda do‘stlar va oila o‘zi yordam beradi. Spirtli ichimliklar, chekish, shirinliklar, chipslar, tez ovqatlanish bilan stressni yo‘qotishdan ko‘ra shunchaki gapirish yaxshiroqdir.

3. Mutaxassisga murojaat qilish - eng to‘g‘ri yo‘l. U qaysi dorilar tashvish va xavotirni nazorat qilishda yordam berishi mumkinligi bo‘yicha aniq tavsiyalarni beradi.