Shavkat Mirziyoyevning Qozog‘istonga tashrifi yakunlandi

 

O‘zbekiston Prezidenti Shavkat Mirziyoyev Qozog‘iston Bosh vaziri Asqar Mamin hamrohligida Nur-Sulton shahridagi EXPO ishbilarmonlik markazida joylashgan Raqamli hukumat ofisiga tashrif buyurdi. Bu xaqda Prezident matbuot xizmati xabar berdi.

 

Qayd yetilishicha, ushbu muassasa joriy yil sentyabr oyida ochilgan. Uning tarkibiga Milliy tahlil markazi, Raqamli transformasiya markazi va Milliy loyiha ofisi kiradi.

 

Tashrif davomida ichki va tashqi savdo bo‘yicha tahliliy platforma imkoniyatlari namoyish qilindi. Uning yordamida oziq-ovqat narxlarini onlayn ravishda monitoring qilish va narx-navoning prognoz ko‘rsatkichlarini shakllantirish mumkin. Bundan tashqari, ofis negizida innovatsiyalar va aerokosmik sanoat sohalaridagi loyihalar ishga tushiriladi.

 

“Davlatimiz rahbari situatsion markaz imkoniyatlari bilan ham tanishdi. Markaz barcha ma’lumotlar bazalariga ulanadi va hududlar bilan yaqindan hamkorlik qiladi, bu esa real vaziyatni onlayn ravishda ko‘rish, masalan, mamlakatda emlash sur’atlari to‘g‘risidagi ma’lumotlarni kuzatib borish imkonini beradi”, - deyiladi xabarda

 

Ofis mutasaddisi O‘zbekistonda inson kapitalini rivojlantirish, IT-parklar tashkil etish, dasturchilar tayyorlash, davlat xizmatlarini onlayn ko‘rsatish bo‘yicha qilinayotgan ishlarni e’tirof etib, Qozog‘iston ham shu yo‘ldan borayotganini aytib o‘tgan.

 

Shu bilan Prezident Shavkat Mirziyoyevning Qozog‘istonga davlat tashrifi yakunlandi.