Asal va aloening moʻjizaviy xususiyatlari
Ushbu ikki mahsulotning oddiy retsepti noyob neʼmat bo‘lgan sog‘ligimizni yaxshi tomonga o‘zgartira oladi.
Asalning “siri”
Uning shifobaxsh tarkibi ichki organlarning ishini tiklashga, immunitetni mustahkamlashga, metabolizm va qon tarkibini yaxshilabgina qolmay, tomirlarni tozalaydi.
Quyida asaldan tayyorlanadigan retsept mazmuni bilan tanishing:
250 g unib chiqqan bug‘doyni blenderga solib maydalanadi.
Ustidan 300 g yong‘oq, sarimsoqning 7 ta bo‘lakchasi va 3 ta limon qobig‘i bilan kesib solinadi.
Alohida idishga 4 ta limonning sharbati siqib chiqariladi va aralashmaga qo‘shiladi. 500 ml asal qo‘shib, bir xil massa hosil bo‘lguncha blenderda aralashtiriladi. Aralashmani muzlatgichda saqlanishi shart.
Ushbu massa 3-4 kun muzlatkichda turgach, foydalanishga tayyor bo‘ladi. Qo‘llash tartibi nonushta, tushlik va kechki ovqatdan 30 daqiqa oldin va yotishdan oldin 1-2 choy qoshiq isteʼmol qilinadi.
Aloening antiqa “fazilati”
Ko‘z va uning ko‘rish xususiyatlari kamayganda, og‘riqli muammolaridan aziyat chekadiganlar uchun aloe tafsiya etiladi.
Mazkur vosita ko‘zlar uchun haqiqiy vitamin manbai hisoblanadi: u katarakta, ko‘zlardagi og‘riqlar, shuningdek, ko‘z qovoqlarining yallig‘lanishini davolashda muvaffaqiyatli qo‘llanilishi mumkin.
Aloedan tayyorlanadigan retsept tarkibi:
● 100 g aloe sharbati;
● 500 g to‘g‘ralgan yong‘oq;
● 300 g asal;
● 3-4 limon.
Tayyorlanishi:
Limon sharbatni siqib olinib, barcha ingrediyentlarni bir xil massa hosil bo‘lguncha blenderda maydalash zarur. Kuniga 3 marta ovqatdan yarim soat oldin 1 osh qoshiqdan isteʼmol qilinadi. Aloeni 3 oy davomida qabul qilish kerak.
10 kun davomida muzlatgichda saqlash lozim.
Cho‘lponoy Ahmedova tayyorladi.
