Nokni har kuni isteʼmol qilish depressiyani oldini oladi

 

Nok mevalarida noyob efir moylari, biologik faol moddalar mavjud bo‘lib, ular organizmning himoya kuchini oshiradi, yuqumli kasalliklarga qarshi turadi, yallig‘lanishga qarshi taʼsirga ega.

 

U, yurak, jigar, buyrak kasalliklari qandli diabet, kapillyar o‘tkazuvchanlikning buzilishi uchun profilaktika va davolash maqsadida parhez taomlar tarkibiga kiritilgan.

 

Nok bilan davolash deyarli butun yil davomida amalga oshirilishi mumkin, chunki mevalar quritilganida deyarli barcha biologik faol moddalarni saqlab qoladi.

 

Quritilgan nok kompoti surunkali kolitdan xalos bo‘lish bilan birga jinsiy faollikni oshiradi.

 

Agar bemorning qon bosimi ko‘tarilsa, bir piyola quritilgan nok va o‘rik mevasini aralashtirgan holda ustiga suv solib, o‘rta olovda qaynatiladi hamda tindirib qo‘yiladi.

 

So‘ng undan har kuni 3-4 mahal yarim piyoladan ichish lozim.

 

Bod kasalligi bezovta qilganda ham uning damlamasi foydalidir. Buning uchun quritilgan, maydalangan nokdan 2 choy qoshiq olib, ustiga 1 piyola qaynoq suv quyiladi. 2 soat davomida tindirilgach, kuniga uch mahal 1-2 oshqoshiqdan ichiladi.

 

Xolesistit (o‘t pufagi yallig‘lanishi)da har kuni nahorda bu mevadan ikki dona tanovul qilish yoki yovvoyi nokdan tayyorlangan, shakar solinmagan sharbatidan ichish yaxshi foyda beradi.

 

 

Cho‘lponoy Ahmedova tayyorladi.