Dzyudo bo‘yicha O‘zbekiston chempionatida dastlabki chempionlar aniqlandi
Kecha poytaxtimizdagi “Yunusobod” sport majmuasida dzyudo bo‘yicha kattalar o‘rtasida O‘zbekiston chempionatiga start berildi.
Musobaqada Qoraqalpog‘iston Respublikasi, barcha viloyatlar hamda Toshkent shahridan jami 550 nafarga yaqin dzyudochi medallar uchun bellashmoqda.
O‘zbekiston chempionatining dastlabki kunida erkaklar -60 kg va -66 kg, ayollar esa -48 kg, -52 kg va -57 kg vazn toifalarida g‘oliblik uchun tatamiga chiqishdi. Chempionatning saralash bellashuvlari har kuni soat 10:00da, final bahslari esa 17:00da boshlanmoqda.
Quyida birinchi kungi g‘olib va sovrindorlar bilan tanishishingiz mumkin:
Ayollar
-48 kg vazn toifasi
1. Halima Qurbonova (Xorazm),
2. Gulnur Muratbayeva (Qoraqalpog‘iston Respublikasi),
3. Maxsuda Bekjanova (Xorazm),
3. Gulhayo Jo‘rayeva (Qashqadaryo),
-52 kg:
1. Diyora Keldiyorova (Samarqand),
2. Sita Kadambayeva (Xorazm),
3. Umida Jumaniyazova (Qoraqalpog‘iston Respublikasi),
3. So‘g‘diyona Rafkatova (Xorazm),
-57 kg:
1. Shukurjon Aminova (Xorazm),
2. Yoqutjon Abdurimova (Xorazm),
3. Xojar Sharoatova (Surxondaryo),
3. Sarvinoz Husanova (Samarqand),
Erkaklar
-60 kg:
1. Mirzohid Mahammadjonov (Farg‘ona),
2. Dilshod Baratov (Surxondaryo),
3. Bahrom Botirov (Buxoro),
3. Otabek Otanazarov (Toshkent shahri),
-66 kg:
1. Muhriddin Tilovov (Toshkent viloyati),
2. Rahim Subhonov (Toshkent viloyati),
3. Sardor Nurillayev (Samarqand),
3. Bobur Vajiyev (Toshkent viloyati).
Avvalroq, Davlat Bobonov “PSJ” klubi bilan YeChL yo‘llanmasini qo‘lga kiritgani va dzyudochilarimiz xalqaro turnirni ikkita medal bilan yakunlashgani haqida xabar berilgandi.
Jamshidbek Amirov
