"Mahalliy aholiga nisbatan majburlov bo‘lgan-bo‘lmaganiga aniqlik kiritish maqsadida ichki tekshiruv o‘tkazilmoqda” — Erbol Sultanbayev
Qirg‘iz Respublikasi Prezidenti Sadir Japarov kortej mashinasida o‘tayotgan vaqt aholi uni bayroqlar bilan kuzatib qolgan.
Ijtimoiy tarmoqlarda Qirg‘iziston prezidenti Sadir Japarov korteji o‘tib ketayotgan vaqtda aholi yo‘l chetida turib bayroqlarni hilpiratayotgani aks etgan videotasvir tarqaldi.
Aytishlaricha, Jalolobod viloyati "Barpi" qishlog‘ida ishlayotgan ishchilarni shu kuni ko‘chaga chiqib davlat rahbari o‘tayotgan vaqtida bayroqlarni hilpiratishga majbur qilishgan.
Bu holat ijtimoiy tarmoq foydalanuvchilari orasida turli bahs-munozaraga sabab bo‘lgan. Aksariyat foydalanuvchilar hokimiyat vakillarining bunday xatti-harakatidan norozi ekanini bildirgan. Mahalliy aholini ko‘chaga chiqishga majburlagan amaldorlarni jazolashni talab qilishgan.
"Sadir Japarov bu kabi tashabbuslarga qarshi. Barcha holatlar, jumladan, mahalliy aholiga nisbatan majburlov bo‘lgan-bo‘lmaganiga aniqlik kiritish maqsadidа ichki tekshiruv o‘tkazilmoqda”, — dedi prezident matbuot kotibi Erbol Sultanbayev.
Avvalroq Prezident Shavkat Mirziyoyev 6 Markaziy Osiyo davlatlari rahbarlarining Maslahat uchrashuvi doirasida Qirg‘iziston Respublikasi Prezidenti Sadir Japarov bilan muzokara o‘tkazgani haqida xabar berilgandi.
Munojat Valiyeva
