Kamroq qahva iching, chunki u...
Siz bizning tavsiyalarimizga amal qilsangiz suyaklaringiz bilan bog‘liq muammolarga yechim topishingiz mumkin.
— Suyak tizimiga bug‘doy doni, grechka, suli, makkajo‘xori va guruch ham so‘zsiz foyda keltiradi.
— Ratsionni yashil loviya, sabzi, ismaloq, piyoz, karam, kabachka, bodring, shirin qalampir va pomidor bilan boyitish lozim.
— Shuningdek, suyaklarga dukkakli o‘simliklar ham katta foyda keltiradi. Loviya, no‘xat va yasmiq kabilarni isteʼmol qilish darkor.
— Pista va yong‘oqlarga ham eʼtiborli bo‘lish tavsiya etiladi. Ayniqsa, qovoq urug‘i, kungaboqar va kunjut urug‘i juda foydalidir.
— Sutli mahsulotlar haqida so‘z yuritganda, shuni taʼkidlab o‘tish kerakki, ulardan yog‘lilik darajasi pasaytirilgan turlarini isteʼmol qilish maqsadga muvofiqdir. Ular ham organizmda suyak to‘qimasini shakllantiruvchi mikroelementlarga boy hisoblanadi.
— Nafaqat baliq yog‘i, balki yog‘li baliqlar ham biz isteʼmol qilgan kalsiyni faollashtirib, yangi suyak to‘qimalari sintezini yuzaga keltiruvchi qimmatbaho D vitaminiga boydir.
Suyaklar uchun xavfli mahsulotlar
Suyaklar uchun eng xavfli mahsulotlarga sho‘r taomlar, tarkibida fosfor kislotasi mavjud bo‘lgan gazli ichimliklar, tarkibida spirt mavjud bo‘lgan ichimliklarni kiritish mumkin. Ko‘p miqdorda ichilganda qahva ham suyaklarga salbiy taʼsir qiladi.
