Farg‘onada Yangi yil kuni 20 yoshli yigit o'ldirib ketildi
Ayblanuvchi voqea joyidan qochib ketgan.
Joriy yilning 1-yanvar kuni soat 03:30 larda 20 yoshli K.K. o‘zining to‘rt nafar tanishlari bilan M.N.ning boshqaruvidagi “Сobalt”ga o‘tirib, M.N.ning Marg‘ilon shahar Qo‘rg‘ontagi ko‘chasida joylashgan uyi tomon harakatlanadi. Shu vaqt ko‘cha boshida harakatsiz turgan “Gentra” va “Nexia-3” avtomashinalarini ko‘rib, uni yonida turgan 23 yoshli M.A. va uning sheriklariga yo‘l berishini so‘ragan. Shundan so'ng taraflar o'rtasida o'zaro janjal kelib chiqqan.
Janjal davomida M.A. o‘zining yonida bo‘lgan pichoq bilan K.K.ning ko‘krak qismiga bir marta urib, voqea joyidan qochib ketgan.
Mazkur holat yuzasidan Farg‘ona viloyat IIB huzuridagi Tergov boshqarmasi tomonidan Jinoyat kodeksining 104-moddasi 3-qismi "d" bandi bilan jinoyat ishi qo‘zg‘atilib, M.A. protsessual tartibda ushlangan. Hozirda tergov harakatlari olib borilmoqda.
Munojat Valiyeva
