O'zbekiston

O‘zbekistonliklar uchun Latviya vizasi: cheklov taklif qilindi

Bunga ayrim o‘zbekistonliklarning mamlakat hududida voyaga yetmaganlarga qarshi sodir etgan jinoyatlari sabab bo‘lgan.

O‘zbekistonliklar uchun Latviya vizasi: cheklov taklif qilindi

Latviya Ichki ishlar vazirligi O‘zbekiston fuqarolariga vizalar berishni maʼlum muddatga to‘xtatishni taklif qilmoqda. Bunga O‘zbekiston fuqarolari Latviyaga kelganidan ko‘p o‘tmay jinoyat sodir etgan bir nechta holat, jumladan, voyaga yetmaganlarga qarshi jinoyatlar sabab bo‘lgan.

 

Ichki ishlar vazirligi Immigratsiya to‘g‘risidagi qonunning 8-moddasi 2-qismiga asosan ushbu masalani vaqtinchalik cheklov joriy etish taklifi sifatida Vazirlar Mahkamasi yig‘ilishida ko‘rib chiqishni so‘ragan.

 

Amaldagi qonunchilikka ko‘ra, Vazirlar Mahkamasi mamlakat ichki xavfsizligi va jamoat tartibiga taʼsirini baholagan holda, muayyan uchinchi davlat fuqarolaridan viza olish uchun arizalarni qabul qilishni hamda ularning Latviyaga kirishini maʼlum muddatga cheklashi mumkin.

 

“O‘zbekiston fuqarolarining bir nechtasi Latviyaga kelganidan keyin qisqa vaqt ichida, jumladan, voyaga yetmaganlarga qarshi jinoyatlar sodir etgan bir vaziyatda biz chora ko‘rishga majburmiz. Shu sababli O‘zbekiston fuqarolariga viza berishni maʼlum muddatga to‘xtatishni taklif qilmoqdamiz”, — degan ichki ishlar vaziri Yanis Dombrava.

 

Rejaga ko‘ra, cheklov amal qiladigan davrda Latviya masʼul idoralari O‘zbekiston tomoni bilan hamkorlik qilib, mamlakatga kirayotgan shaxslarni tekshirish tizimini takomillashtiradi. Maqsad — jamoat tartibi yoki xavfsizligiga tahdid solishi mumkin bo‘lgan shaxslarning Latviyaga kirib kelish xavfini kamaytirish.

 

Biroq hukumat koalitsiyasidagi hamkorlar ushbu masalani Vazirlar Mahkamasi yig‘ilishi kun tartibiga kiritishni maʼqullamagan. Cheklov haqidagi taklif Vazirlar Mahkamasining navbatdagi yig‘ilishida ko‘rib chiqilishi kutilmoqda.

Toshkent havosi sifati: noyabrning so‘nggi kunlari qanday o‘tadi?

Toshkent havosi sifati: noyabrning so‘nggi kunlari qanday o‘tadi?

Poytaxtda 27–30-noyabr kunlari kuchli harorat inversiyasi kuzatilishi mumkin.

Prezident Shavkat Mirziyoyev davlat tashrifi bilan Iordaniyada bo‘ladi

Prezident Shavkat Mirziyoyev davlat tashrifi bilan Iordaniyada bo‘ladi

Tashrif dasturiga ko‘ra, Amman shahrida oliy darajadagi muzokaralar va boshqa tadbirlar o‘tkaziladi.

Yangilangan o‘zbek alifbosi: pasport va ID-kartalar almashtiriladimi?

Yangilangan o‘zbek alifbosi: pasport va ID-kartalar almashtiriladimi?

“O‘zbek alifbosiga kiritilgan o‘zgartirishlarni jamiyat hayotining barcha sohalariga joriy etish chora-tadbirlari to‘g‘risida”gi qaror loyihasi jamoatchilik muhokamasiga qo‘yildi.

Davlat tashkilotining sobiq xodimi qidiruvda edi: u Turkiyada ushlandi

Davlat tashkilotining sobiq xodimi qidiruvda edi: u Turkiyada ushlandi

U Jinoyat kodeksining 167 va 228-moddalari bilan qidiruvga berilgan bo‘lib, O‘zbekistonga qaytarilgan.

Qarshidagi xonadonda gaz portladi: jarohatlanganlar bor

Qarshidagi xonadonda gaz portladi: jarohatlanganlar bor

Hozirda hodisaning kelib chiqish sabablari va holatlarini aniqlash yuzasidan surishtiruv ishlari olib borilmoqda.

O‘zbekistonda 23,5 mingta xorijiy korxona faoliyat yuritmoqda: eng ko‘pi savdo sohasida

O‘zbekistonda 23,5 mingta xorijiy korxona faoliyat yuritmoqda: eng ko‘pi savdo sohasida

Sanoat, axborot va aloqa hamda qurilish yo‘nalishlari ham xorijiy korxonalar faoliyatida yetakchi sohalar qatorida.

Elektr energiyasi to‘lovi: gazsiz hududlar uchun oylik bazaviy me’yor oshirildi

Elektr energiyasi to‘lovi: gazsiz hududlar uchun oylik bazaviy me’yor oshirildi

Yangi me’yordan foydalanish uchun fuqarolardan ariza yoki qo‘shimcha hujjatlar talab etilmaydi.

OTMlar milliy reytingi: davlat oliygohlarini rag‘batlantirish tartibi belgilandi

OTMlar milliy reytingi: davlat oliygohlarini rag‘batlantirish tartibi belgilandi

Reyting natijalari e’lon qilinganidan keyin 15 ish kuni ichida rag‘batlantirish mablag‘lari davlat oliy ta’lim tashkilotiga o‘tkaziladi.