Pekin Olimpiadasi boshqa sanaga ko‘chiriladimi?
Shveysariya Olimpiya qo‘mitasi Pekin Olimpiadasini boshqa sanaga qoldirishni so‘ramoqda.
Shveysariya olimpiya qo‘mitasi Xalqaro olimpiya qo‘mitasidan (XOQ) 2022 yilda Xitoyning Pekin shahrida bo‘lib o‘tadigan Olimpiada o‘yinlarini boshqa muddatga ko‘chirishga chaqirdi.
Shveysariya Milliy olimpiya qo‘mitasi rahbari Ralf Stokli bu taklifni koronavirus bilan bog‘liq murakkab vaziyat bilan bog‘liqligini tushuntirdi.
“Biz deyarli har kuni sportchilar koronavirus bilan kasallanganligini eshitmoqdamiz. Shuning uchun ular Olimpiadaga yo‘llanmani qo‘lga kirita olmasligi maʼlum bo‘lib qolmoqda. Musobaqa boshlanishiga oz fursat qolmoqda. Biroq, uni boshqa muddatga qoldirish imkoniyatlarini muhokama qilishimiz mumkin. Agar eng yaxshi sportchilar Olimpiyadada ishtirok etolmasa, musobaqa nufuziga taʼsir qilishi aniq”.
Eslatib o‘tamiz, Pekin-2022 qishki Olimpiya o‘yinlari shu yilning 4-20 fevral kunlari bo‘lib o‘tadi.
Avvalroq, Ukraina qishki Olimpiya o‘yinlari mezbonligini qo‘lga kiritmoqchiligi va yozgi Olimpiya o‘yinlariga o‘zgartirish kiritilgani haqida xabar berilgandi.
Jamshidbek Amirov
