Novak Jokovichni yana bir muammo kutmoqda
Tennischi emlanmagani uchun katta miqdorda mablag‘ yo‘qotishi mumkin.
Emlashdan bosh tortish Novak Jokovichga Avstraliya Ochiq chempionatidan chetlatilganidan ham qimmatroqqa tushishi mumkin. “Tennis Head” xabariga ko‘ra, serbiyalik tennischi homiylik shartnomalari bilan bog‘liq muammolarga duch kelishi kutilmoqda.
Gazetaning yozishicha, hozirda sportchi bilan hamkorlik qiluvchi yetakchi kompaniyalar Avstraliyada uning shaxsi atrofidagi janjalni kuzatib bormoqda. vaziyat emlash kampaniyasining asosiy raqibiga aylanib borayotgan serbiyalik sportchi foydasiga ketayotgani yo‘q. Bu hodisa reklama beruvchilarni qo‘rqitishni boshlagan va ular shartnomalarni bekor qilishga tayyor. Buning ortidan Jokovich 30 million dollar miqdorda pul yo‘qotishi mumkin.
Maʼlumot o‘rnida: Avstraliya rasmiylari Jokovichni Ochiq chempionatdan, emlashdan ozod qilishga qaratilgan tibbiy yordam olish uchun asoslar yetarli emas deb hisoblab, uning vizasini bekor qilishdi.
Tennischi sudga murojaat qildi va unda g‘alaba qozondi. Ammo u hamon mamlakatdan deportatsiya qilinishi mumkin. Viktoriya hukumati Jokovichni Avstraliyaga kirishda yolg‘on maʼlumot berganlikda gumon qilmoqda.
Avvalroq dunyoning sobiq birinchi raqamli tennischisi Rojer Federer 2022 yilgi “Australian Open” turnirida qatnashmasligini maʼlum qilgandi.
Jamshidbek Amirov
