Buxoroda 6 nafar o‘quvchi muddatidan oldin talaba bo‘ldi
Ularning barchasi xorijiy til imtihonlarini muvaffaqiyatli topshirgan.
Til bilish darajasini belgilovchi IELTS sertifikatini qo‘lga kiritgan buxorolik iqtidorli o‘quvchilarning yana olti nafari maktabdayoq xorijiy OTM talabasi bo‘lishdi.
Sinovlardan muvaffaqiyatli o‘tgan Olot tumanidagi 31-IDUMI o‘quvchilari Jahongir Sharopov, Orzu Rahmatullayeva, Nigina Omonova;
Kogon tumanidagi 3-umumiy o‘rta taʼlim maktabining 11-sinf o‘quvchilari Abbos Umedov va Akobir Yusupov;
Jondor tumanidagi 21-umumtaʼlim maktabi bitiruvchisi Elbek Temirov British Management University‘ning O‘zbekistondagi filialiga muddatidan oldin o‘qishga qabul qilindi.
Eslatib o‘tamiz, avvalroq imtiyozga ega abituriyentlar to‘g‘risidagi maʼlumotlar eʼlon qilingani hamda tavsiyanoma asosida 2 ming 30 nafar xotin-qiz davlat granti asosida talabalikka qabul qilingani haqida xabar berilgandi.
