Edinson Kavani Manchesterda qoladi
“Manchester Yunayted”ning urugvaylik hujumchisi Edinson Kavani “River Pleyt”ga o‘tmasligi maʼlum bo‘ldi.
Bu haqda taniqli insayder Fabritsio Romano o‘zining Twitter sahifasida maʼlum qildi.
Manbaga ko‘ra, tomonlar bu transferdan manfaatdor emas, hech kim hech qanday muzokara o‘tkazmagan. Urugvaylik futbolchi mavsum oxirigacha Manchesterda qolishga rozi. Forvard kelajagi haqida faqat may oyida qaror qabul qiladi.
Maʼlumot o‘rnida: Kavanining “Manchester Yunayted” bilan amaldagi shartnomasi 2022 yilning iyunigacha mo‘ljallangan. Transfermarkt maʼlumotlariga ko‘ra, hujumchining bozor qiymati 4 million yevroni tashkil qiladi.
Eslatib o‘tamiz, Kavani 2020 yilning oktabr oyida erkin agent sifatida “Manchester Yunayted”ga o‘tgan edi. Hujumchi joriy mavsumda APLda 10 ta o‘yinda maydonga tushib, 2 ta gol urdi va bitta golli uzatmani amalga oshirdi.
Avvalroq, Xavi Pogbaning “Barsa”ga o‘tishini istamagani haqida xabar berilgandi.
