Olivening klubdagi ishlari besh
Jiru sobiq “Arsenal” ustozi Venger va “Milan”ning hozirgi ustozi Piolini solishtirdi.
“Milan”ning fransiyalik hujumchisi, 35 yoshli Olive Jiru “Arsenal”dagi Arsen Venger qo‘l ostidagi faoliyatini Stefano Pioli bilan Italiya klubidagi ishiga qiyosladi.
“Venger juda tajribali va juda xotirjam murabbiy edi. U kamdan-kam hollarda g‘azablanardi yoki ovozini ko‘tarardi. Boshqa tomondan, Pioli shunchalik ishtiyoq bag‘ishlaydiki, uning feʼl-atvori menga juda yoqadi. U bizni rag‘batlantirish uchun baqirishni yaxshi ko‘radi”, — deya Jiruning so‘zlaridan “Football Italia” nashri iqtibos keltirdi.
Eslatib o‘tamiz, Jiru 2021-yilning yozidan buyon “Milan”da to‘p suradi. U yerga “Chelsi”dan ko‘chib o‘tgandi. Futbolchining italyan klubi bilan shartnomasi 2023-yilgacha mo‘ljallangan. Olive joriy mavsumda rossonerilar safida barcha turnirlarda 20 ta o‘yinda maydonga tushib, 6 ta gol urdi va 2 ta golli uzatmani amalga oshirdi.
Avvalroq, Anchelotti David Luizni “Real”ga taklif qilgani haqida xabar berilgandi.
