“Milan” kelajagini o‘ylamoqda
Turinliklar yarim himoyachisi Ismael Bennaser tez orada Italiya klubi bilan shartnomasini uzaytiradi.
Bu haqda insayder Nikolo Shira o‘zining twitter sahifasida maʼlum qildi.
Yangi kelishuv 2026 yilgacha amal qiladi. Unga ko‘ra, jazoirlik futbolchi yiliga 3,2 million yevro, yaʼni hozirgidan ikki barobar ko‘p maosh oladi. 50 million yevro tovon puli shartnomadan olib tashlanadi. Bennaser bilan avvalgi shartnoma 2024 yilga qadar belgilangan edi.
Eslatib o‘tamiz, 24 yoshli Bennaser “Milan”ga 2019 yilda “Empoli” klubidan 16 million yevro evaziga o‘tgandi. Yarim himoyachi joriy mavsum A Seriyada 20 ta o‘yinda maydonga tushib, 1 ta gol va bitta golli uzatmani amalga oshirdi.
Maʼlumot o‘rnida: “Milan” 24 o‘yinda 52 ochko to‘plagan va Italiya A Seriyasida 3-o‘rinda bormoqda.
Avvalroq, “Milan” yarim himoyachisi yozda “Barselona”ga o‘tishi mumkinligi va Iskoning “Lion” safiga qo‘shilishi taxmin qilinayotgani haqida xabar berilgandi.
Jamshidbek Amirov
